影片
更多
2017-08-04
57 瀏覽
喺旺角區有唔少泰菜選擇，不同檔次都有，但一般都唔會話坐得太舒適，今次喺【泰屋】相對而言較闊落同新淨。跟三位朋友一同晚餐，我地就冇點套餐，全部都係單點，最終得出價錢同點個四人餐差不多，但又可以點到自己想食嘅菜式。我地點左幾款小食、飯、串燒等熱門食品。【泰式炸蝦餅】：一共有四個，切成一半，蝦餅唔會炸得太乾身，食落有蝦味，雖然稱唔上非常彈牙，但都有起膠感覺。【馬拉盞炒椰菜苗】：椰菜苗同平時食開嘅比較起上黎比較大棵，味道略略偏鹹，但都算好食，又夠鍋氣。【冬陰公鮮蝦炒飯】：冬陰公味道唔算太強烈，飯都炒得幾乾身，配料唔算好多，但有兩隻大蝦搭夠，賣相吸引，味道可口。【串燒沙嗲 - 牛、雞】：牛肉、雞肉各三串，食落惹味，肉質唔會太老太韌，個人傾向多沙嗲汁淋喺面頭，略嫌呢份就比較少，多啲會好食啲。【青檸鮮魚爐 - 烏頭】：全晚大家一致讚好，青檸帶出魚鮮味，加上香茅、泰式辣椒，食落酸酸辣辣，非常開胃。另外，魚肉都滲入唔少湯汁，一啖又一啖停唔到口。可選擇爐魚或烏頭，我地揀左後者，烏頭魚骨唔多，而且啖啖肉，魚肉多，連唔食魚嘅朋友都食左好多，湯都飲埋。【香茅燒雞 - 半隻】：由於得半隻，雞嘅份量唔多，每人都係分
跟三位朋友一同晚餐，我地就冇點套餐，全部都係單點，最終得出價錢同點個四人餐差不多，但又可以點到自己想食嘅菜式。
我地點左幾款小食、飯、串燒等熱門食品。
【泰式炸蝦餅】：一共有四個，切成一半，蝦餅唔會炸得太乾身，食落有蝦味，雖然稱唔上非常彈牙，但都有起膠感覺。
【馬拉盞炒椰菜苗】：椰菜苗同平時食開嘅比較起上黎比較大棵，味道略略偏鹹，但都算好食，又夠鍋氣。
【冬陰公鮮蝦炒飯】：冬陰公味道唔算太強烈，飯都炒得幾乾身，配料唔算好多，但有兩隻大蝦搭夠，賣相吸引，味道可口。
【串燒沙嗲 - 牛、雞】：牛肉、雞肉各三串，食落惹味，肉質唔會太老太韌，個人傾向多沙嗲汁淋喺面頭，略嫌呢份就比較少，多啲會好食啲。
【青檸鮮魚爐 - 烏頭】：全晚大家一致讚好，青檸帶出魚鮮味，加上香茅、泰式辣椒，食落酸酸辣辣，非常開胃。另外，魚肉都滲入唔少湯汁，一啖又一啖停唔到口。可選擇爐魚或烏頭，我地揀左後者，烏頭魚骨唔多，而且啖啖肉，魚肉多，連唔食魚嘅朋友都食左好多，湯都飲埋。
【香茅燒雞 - 半隻】：由於得半隻，雞嘅份量唔多，每人都係分到兩件左右。味道不俗，用上泰式醃料製成，燒得香口，但雞皮可以再燒得脆啲。
【蒜茸包】：一共四大片，牛油、蒜茸均勻搽滿整塊麵包，食落脆口，蒜茸味又夠香，大家都幾滿意。
飲品方面點左【椰汁冰】、【芒果沙冰】、【阿華田沙冰】、【椰汁沙冰】，整體黎講，都唔會話太甜，沙冰打得夠碎，價錢正常。
四個人除番開每人二百零蚊都係合理的價錢，喺旺角區黎講，都算係一個唔錯嘅選擇，因此晚市都有唔少客人。
張貼
