金蘭花泰國餐廳 (已結業)

朋友帶我上去銅鑼灣搵食，這間位於怡和街的泰國菜館，開業約一年，餐廳鄰近地鐵站，而且地方寬敝座位舒適。朋友試過幾次，知道食物份量都頗足，所以兩個人唔敢叫咁多，每樣叫少少試試。泰國柚子沙律柚子份量頗多，柚子清甜帶點酸，還有幾隻大蝦，蝦肉爽口彈牙，還有點炸蒜片及泰國香料，沙律清新開胃。原隻菠蘿海鮮炒飯原個菠蘿份量十足，炒飯是有用薑黃粉，所以呈黃色，裏面有幾人多海鮮如蝦、青口及魷魚等，另外還有清甜的菠蘿、腰果、肉鬆、提子乾及臘腸，配料十足，炒飯爽口，飯粒分明，味道不錯。秘製咖哩牛腩咖哩有少許辣味，但香料味濃郁，牛腩很腍有牛肉味，還有點牛筋、番茄及薯仔，全部都炆得入味又腍，配埋個薄餅一齊食，非常惹味。泰式利賓納見餐牌上寫是洛神花，以為是洛神花味，原來都是普通的利賓納，不過無平時飲開的咁甜。熱龍眼水呢個絕對適合女士飲用，紅棗龍眼杞子茶，補血護眼，不過都幾甜下。整體食物質素不錯，而且大件夾抵食，全部份量都大大碟，至少2-3人用，建議人多食可以試多幾款。