常聚 (已搬遷) 新店位置

今晚同屋企人食家常小菜，去咗呢間位於西營盤食開嘅餐廳，平時都好多人，咁岩去到就有位。豉汁蒸紅由：條魚好大條，都幾新鮮，落咗好多豉汁同埋莞茜，不過都食到少少腥味，怕腥嘅朋友未必受得到。土魷肉餅：調味好足夠，加上土魷帶出嘅鮮味，啲肉腍得黎又唔會好鬆散。蔥油雞：雞嘅份量唔少，又唔會件件都係骨，蔥嘅份量好足夠，撈埋一齊食夠晒惹味。金銀蛋浸時蔬：配菜份量足，唔會多菜少餸，白菜煮得恰到好處。想食港式小菜呢間餐廳係一個唔錯嘅選擇，鍾意食蒸魚嘅朋友更加唔可以錯過。