影片
更多
2023-04-13
51 瀏覽
心血來潮想食下鐵板牛扒，呢個係兒時回憶，細個最鍾意叫父母帶我去据扒，細個見到d 汁淋落鐵板度覺得好過癮。而家好多茶餐廳都有鐵板餐，不過我揀金鳳係因為佢主打鐵板餐，同埋裝修有d似扒房，要食就當然食專業果間。金鳳出名多人要排隊，所以我地7pm 未夠就去到，唔使等位，一到左7:15pm 左右已經全場爆滿。員工好friendly, 主動同我解釋佢地有分美式同港式鐵板，美式係塊牛無醃，牛味重d, 港式係有醃過既。然後叫我地慢慢揀，唔似出面茶記趕落單企係度俾壓力。我叫左港式鐵板牛柳，老公叫左美式西冷牛扒，我地叫5成熟，員工又好好提醒我地如果5成熟鐵板上，上到檯就變7成熟。好彩佢講講，即刻改3成熟。order 完好快就上湯同餐包，餐包大大個好軟身。羅宋湯好濃郁，少少辣，唔會好酸，超好味。到個主菜鐵板牛扒一上檯就淋汁，攤開個餐巾遮住都彈到落身少少，証明塊鐵板燒得好夠熱，正！千祈唔好著白色衫去。我地兩個都叫黑椒汁同加左蒜蓉，撈埋一齊食好惹味！我塊港式牛柳好林身，有無牛味我都唔care, 最緊要肉質唔鞋唔會趙唔開，我覺得呢個牛柳係好好食。老公塊牛係肉質爽口d,始終無醃過係比較原汁原味，貴幾十蚊絕對值得.
金鳳出名多人要排隊，所以我地7pm 未夠就去到，唔使等位，一到左7:15pm 左右已經全場爆滿。員工好friendly, 主動同我解釋佢地有分美式同港式鐵板，美式係塊牛無醃，牛味重d, 港式係有醃過既。然後叫我地慢慢揀，唔似出面茶記趕落單企係度俾壓力。我叫左港式鐵板牛柳，老公叫左美式西冷牛扒，我地叫5成熟，員工又好好提醒我地如果5成熟鐵板上，上到檯就變7成熟。好彩佢講講，即刻改3成熟。
order 完好快就上湯同餐包，餐包大大個好軟身。羅宋湯好濃郁，少少辣，唔會好酸，超好味。到個主菜鐵板牛扒一上檯就淋汁，攤開個餐巾遮住都彈到落身少少，証明塊鐵板燒得好夠熱，正！千祈唔好著白色衫去。我地兩個都叫黑椒汁同加左蒜蓉，撈埋一齊食好惹味！我塊港式牛柳好林身，有無牛味我都唔care, 最緊要肉質唔鞋唔會趙唔開，我覺得呢個牛柳係好好食。老公塊牛係肉質爽口d,始終無醃過係比較原汁原味，貴幾十蚊絕對值得. 塊扒都幾重秤，一定夠飽，我仲要係好飽。最尾叫左杯熱檸茶消下滯。
金鳳有推出d 懷舊特飲，紅牛，白雪呢d, 其實都想試，但我個胃無足夠空間我食埋個雪榚球，希望下次食得落
張貼
