森．湯咖哩 (已結業)

心血來潮想食湯咖哩，然後上OpenRice搵到呢間最近屋企嘅 ，冇睇營業時間就過咗嚟，原來中間有兩個鐘落場時間，好彩我都係等咗十分鐘就到六點，影吓佢個餐單放上嚟開心share先 😆我就梗係嗌返個野菜魚餅咖哩湯烏龍麵同即叫即炸嘅吉列厚切豬扒咖哩飯，配小食就嗌咗魷魚卷同吉列蝦，另外再嗌咗啲雞串同蔬菜串，樣樣都好濃味 ☺️最後甜點抹茶味刨冰，係醇厚嘅抹茶香和鮮奶蓋香，足足有四碗飯咁高，呢餐勁滿足呀 🤤埋單嘅時候，員工仲同我講而家做緊堂食八折，外賣七折，重點係餐單所有嘢都唔貴 😍