十十川滬料理 (已結業)

旺角朗豪坊四樓十十川滬食川菜，喺food court嘅隔離，我同朋友未到七點去到，可直入，但係食到七點幾八點就已經滿座，見到啲侍應都忙。餐廳推出咗幾個套餐，我同朋友兩個人就揀咗個二人套餐，食物都幾豐富，我哋揀咗椒麻雞、雜錦小籠包、乾煸四季豆、十十水煮海鮮、酥皮鳳梨奶黃窩餅。當中較為出色嘅我覺得係乾煸四季豆、雜錦小籠包裏面綠色嗰隻最好食！係酸菜魚小籠包，第一次食呢個口味，估唔到又Juice又夾。水煮海鮮我哋雖然只係揀咗小辣，但係個辣勁都幾厲害，食到朋友滿頭大汗，而當中嘅海鮮就有蜆、鮑魚、酸菜魚，仲有寬粉同芽菜雜菇。我同朋友一致覺得酸菜魚最出色。酥皮鳳梨窩餅略嫌覺得佢嘅show皮厚咗少少，如果奶黃轉做流沙奶黃相信會更加好食，鳳梨嘅量多啲就更好。仲有就係，佢呢度嘅茶係麥茶，好香麥味，唔錯。