滾餃

營業中

休息中

觀塘人多，食肆多，花多眼亂，唔係介紹都唔知位於觀塘開源道60號駱駝漆大廈第3座9樓，有間好唔錯嘅手工餃子店。好彩行得快，遲少少都要等位😄餐廳個名好盞鬼，裝潢少少工業風，自己掃碼點餐，點了黑松露芝士豬肉煎餃10隻，泡菜豬肉湯餃10隻，無骨鳳爪，拍青瓜，豆漿。🥟黑松露芝士豬肉煎餃，餃子皮脆卜卜，外脆內軟，一口咬落去黑松露香氣四溢，好多汁，又香口，超滿足，值得一試。🥟泡菜豬肉湯餃，因為我都幾鍾意食酸辣口味嘅嘢，所以試一下呢個口味，唔係好覺得辣，也不會好酸，配埋豬骨湯，好清爽。🥟無骨鳳爪真係無點錯，好好味，我個人超鍾意，酸酸辣辣，好開胃，無骨啖啖肉，而且夠晒大碟，好味夾抵食。🥟拍青瓜，上面的醬好特別，清爽可口，同樣都係好大一碟。豆漿唔會太甜，豆味濃，好飲。錯誤估計餃子的份量，因為真係都幾大一隻，真材實料，食完飽到上心口。