醬缸韓國料理 (已結業)

醬缸韓國料理一直都係灣仔好出名既韓國餐廳，但係今次都係第一次黎食。係灣仔地鐵站A4出口向右行兩分鐘就到架啦。我lunchtime黎到，離遠已經見到長長既人龍，好彩有朋友一早黎左攞位，所以都唔洗等咁耐！我地未有位個陣，韓國侍應姐姐已經比定餐牌我地，我地可以點左餐先。我叫左一個炸醬麵。等左一陣就有位，坐低一陣就有得食。我點炸醬麵既原因係因為我成日都睇韓國綜藝節目，見到d明星成日都叫炸醬麵外賣，所以我就想試下韓國國民美食。原來炸醬麵即係黑豆醬加豬肉粒配拉面，味道幾好，個醬好濃郁，但味精有d重，但整體都唔錯既！