Seoul Bite (金銘大廈) (已結業)

炸雞黎講一定係堂食好味過外賣，但如果一定要外賣嘅話有無咩好選擇呢？今次就真係有啦，話說叫左Seoul bite嘅外賣，要左個兩人餐。咁就揀左蜂蜜牛油味炸雞同泡菜豬肉飯加2罐汽水。先講個飯，飯量超多不過唔知係外送其間整淋左定本身啲飯都係咁淋，如果乾啲會再好食啲，泡菜同椰菜嘅份量都多但豬肉就得四片唔係好夠，如果兩個人分就太少啦，不過味道係可以嘅，少少辣，食完一啖就想快啲食多啖。到個主角炸雞，絕對係驚喜之作。經過長時間嘅外送黎到都脆卜卜，啲香味係咁湧出嚟。到食第一啖，佢個汁傑傑哋但又唔會太傑，掛汁之餘甜味好突出，不過唔係糖個種死甜，係好食嘅甜味，雞肉外皮脆入面亂骨就算擺多半個鐘食都係一樣。 而且份量好多有十幾舊，兩個人分享嚟食唔會唔夠喉。最後跟餐要左兩罐汽水，邊食炸雞邊飲汽水睇戲真係一絕。值得推薦比大家。