影片
更多
2022-06-25
156 瀏覽
荃灣地道烤魚食店！啱晒鍾意食魚嘅我！我好鍾意食魚，呢間川味雞烤魚大王好耐之前食過一次，印象都唔錯，幾地道。平時經過見到舖頭門口開多兩張枱，啲人飲住啤酒食烤魚就會癮起。今次朋友想食，我又好耐冇食，唔洗諗行得！店唔算大，有四、五張枱左右，天氣咁熱，都係坐喺食店入面涼住冷氣食烤魚穩陣啲！大半條鯇魚$268食鯇魚貪佢白白滑滑，骨刺細小，我哋唔算食得辣，揀咗BB辣，辣度啱啱好，湯汁好惹味。連盤上嘅鯇魚外皮經過煎香，魚肉又幾嫩，仲有大量香菜、酸菜，叫多碗絲苗白飯$12，送飯一流！黑毛豬肉片$68因為個湯就太正，用嚟打邊爐就最啱，叫咗份黑毛豬肉片，都幾驚喜，因為份量唔少又厚切，食落仲幾彈牙軟稔！娃娃菜$33我好鍾意食娃娃菜，呢個份量都係有驚喜，真係好多，叫一份菜就夠晒！龍口粉絲$18粉絲本身好爽口，索晒啲湯汁食提升曬食物質素！涼拌皮蛋$38除咗食烤魚，呢度仲有地道重慶小菜或小食，朋友話食到熱辣辣好想叫個凍皮蛋，皮蛋賣相唔錯，切成細細件，加埋濃味醬汁，都幾好食！雪梨海底椰$18/朝日啤酒$32都係現成嘢，食辣嘢、打邊爐必飲！
我好鍾意食魚，呢間川味雞烤魚大王好耐之前食過一次，印象都唔錯，幾地道。平時經過見到舖頭門口開多兩張枱，啲人飲住啤酒食烤魚就會癮起。今次朋友想食，我又好耐冇食，唔洗諗行得！店唔算大，有四、五張枱左右，天氣咁熱，都係坐喺食店入面涼住冷氣食烤魚穩陣啲！
大半條鯇魚$268
食鯇魚貪佢白白滑滑，骨刺細小，我哋唔算食得辣，揀咗BB辣，辣度啱啱好，湯汁好惹味。連盤上嘅鯇魚外皮經過煎香，魚肉又幾嫩，仲有大量香菜、酸菜，叫多碗絲苗白飯$12，送飯一流！
黑毛豬肉片$68
因為個湯就太正，用嚟打邊爐就最啱，叫咗份黑毛豬肉片，都幾驚喜，因為份量唔少又厚切，食落仲幾彈牙軟稔！
娃娃菜$33
我好鍾意食娃娃菜，呢個份量都係有驚喜，真係好多，叫一份菜就夠晒！
龍口粉絲$18
粉絲本身好爽口，索晒啲湯汁食提升曬食物質素！
涼拌皮蛋$38
除咗食烤魚，呢度仲有地道重慶小菜或小食，朋友話食到熱辣辣好想叫個凍皮蛋，皮蛋賣相唔錯，切成細細件，加埋濃味醬汁，都幾好食！
雪梨海底椰$18/朝日啤酒$32都係現成嘢，食辣嘢、打邊爐必飲！
張貼
