C2食堂

營業中

休息中

係荔枝角返工嘅人有福啦，喺香港工業中心C座地下C舖（記得係青山道嘅入口，奇華餅店對面）有呢間聲稱係荔枝角最強燒味嘅「C2食堂」，果然名不虛傳。佢最出名嘅係呢度嘅叉燒。今次我一個人食，就叫咗個雙拼飯，叉燒油雞飯。個餐本身$65 ，如果加湯加嘢飲就$70。先講吓佢馳名嘅叉燒，真係燒得好靚，但主要本身佢選用嘅肉係靚嘅，叉燒肥肥地但又唔油膩。用蜜汁燒真係好惹味，有少少燒到燶邊添。雞就肉多皮薄，好新鮮冇雪味。個老火湯就好夠火候，啱晒打工仔飲。鍾意言之，呢度係我喺荔枝角食過最好嘅燒味。