阿爺燒鵝餐室

營業中

休息中

今次黎到呢間係大圍既阿爺燒鵝，睇個名就知出名燒鵝喇，不過除左燒鵝，原來其他燒味都幾唔錯，仲有好多唔同嘅優惠餐，係依家疫情下真係令到唔少人受惠呀。一黎就梗係叫左半隻燒鵝黎食喇，先講講個色水先，色水夠曬均勻，唔會燒到一忽一忽咁，外皮夠曬脆，又有油香，食落好有口感，果種鵝油既油脂感真係非常正，簡直係鵝既精華黎。再講講個肉質，食落幾香口，好有鵝味，入口幾嫩，有口感，點埋汁黎食更加好味。半隻鵝夠曬足兩夠均真。個燒腩仔都好正，用五花腩燒出黎，一層肥一層瘦好均勻，個皮又夠脆，送飯食真係好一流。青瓜食落爽脆，調味岩岩好，唔會太咸or太淡，用黎介下利就岩岩好。雞腳老火湯，勁好飲，仲配左唔少雞腳，岩曬鐘意健康既人叫喇，配埋燒味食就岩曬口味。