坤記麵家

營業中

休息中

今日好想食牛腩🐂，就去咗坤記麵家買外賣，order左兩個牛腩撈粗、淨魚片頭、一包魚皮，同家人慢慢嘆😋😋呢間店嘅牛腩🐂喺呢區出晒名，牛腩好惹味，但如果你唔想食太肥，就要同佢講聲要瘦腩呀😙因為我試過唔出聲，啲牛腩都幾肥㗎😅鍾意佢嘅麵彈牙，牛腩同麵份量超夠，包你夠飽haha😁。加埋蠔油食，真係一流。😆所以我都幾鍾意食。牛腩撈粗配一碗紫菜湯，味道就一般啦。炸魚片頭都好正呀，份量都係足夠，魚片頭大大粒，都好彈牙，有口感，仲有少少生菜🥬添。佢嘅炸魚皮係自家製嘅，脆卜卜，但略嫌有少少硬，希望店主改善吓啦☺️店舖嘅選擇都多，除咗有粉、麵，仲有飯、豬腳、咖喱類等等。下次再幫襯先😃不過坐嘅位置好少，地方狹窄，唔會堂食，會再外賣。