影片
營業時間
今日營業
09:30 - 19:00
星期一至日
09:30 - 19:00
以上資料只供參考, 請與餐廳確認詳情
剛到未食已經一肚氣，我同老公落街食午餐，諗起油塘中心有檔麵檔，好耐冇去試過，一心想去試下，點知一入到鋪，見到鋪面有冷氣位置可放櫈坐兩位，咁就問下個肥婆老闆娘坐唔坐得，哇～點知佢唔知咩事，語氣極差話唔得，佢仲話唔呀，唔得呀，唔做呀，語氣超差劣趕客，我又冇得罪佢，只係問一句，我都唔知發生咩事，佢打開門口做生意，點解有位唔比客人坐，一定要趕客出門口坐冇冷氣位置，而家天氣咁熱，仲要強制客人坐冇冷氣位置，呢d服務態度唔係正常做生意囉，仲未講佢食物質素好唔好，真心比佢咁對待完已一肚氣飽哂了，其實唔想做可以結業唔做，唔好搵客人出氣，冇人欠左佢間麵檔的，最後溫馨提示大家：要有心理準備去到要焗桑拿咁食粉麵同受條肥婆氣先好去幫襯呀。
繼續閱讀
牛雜幼麵（$34）凍檸茶（+$7）湯底唔過咸，清清哋；幼麵彈牙，鹼水味唔重；牛雜有5片草肚、2舊肺、2舊腸、1片膀。味道中規中矩，不過不失。麵店入面冇位坐嘅，啲位擺哂喺商場入面。
繼續閱讀
油塘的潮州粉麵, 這家應該是最好的了, 相比起銀龍和樂園的罐頭味道, 這裏無論是牛腩和牛雜都更有心機, 特別是牛雜的清理和滷水的入味, 是用心小店才能有的水準. 它的腸類更是值得表揚, 牛腸的脂層滑溜, 鵝腸的爽彈直身, 最重要是沒有任何污跡在內, 當然脂味羶香不是任何人受得了, 但這就是食內臟的靈魂, 反正這裏的味道也不太濃烈就是.淨札肉也有驚喜, 內裡是完整的胡椒粒, 更有口感之餘也有醒神的辛辣, 當然不是川式那種油膩得要死的風格. 魚骨湯底味道清淡, 但上面舖滿炸豬油粒, 其香脆羶香令我想起油渣麵, 食材不名貴, 但要炸好豬油粒, 而令其不會有油膱味並不容易, 這隱藏的誠意, 我收下了.Kwan Kee is a hidden gem for the traditional beef organs and beef brisket noodles in Yau Tong. The beef organs are full of aroma from brine and doesn’t have any bad or foul taste. They are clean and well prepared. The sausages with black pepper have good texture with additional mild spicy flavour. The soup with the deep fried pig fat makes it taste nice.
繼續閱讀
昨晚放工想和朋友簡單食餐飯，在OpenRice search 到這間粉麵，見到有5個哈哈笑無喊，只有一篇食評表示環境污糟，心諗自己的接受程度都高，諗住都可以一試，點知一試就中大伏。見到有食評話牛腩OK，叫左個牛腩墨丸撈粗，拎起筷子準備食的時候，有隻老鼠係我左腳高速經過，嚇到我即時彈起。同侍應姐姐講，佢都好好比我換左張枱，果刻覺得都唔完全關間野事，始終成間商場環境都一般，有老鼠都唔係完全佢的責任，換左張空曠D的枱，起碼再有老鼠都走得切，Settle down左就諗住繼續食。第一啖牛腩，硬落去係臭的，唔識形容果種味道，懷疑緊係咪處理得唔好的騷味，再試多啖，真係臭的、噏的，形容唔到，感覺係唔新鮮的味道，個口當時已充斥住果浸味，第一下反胃，飲左啖自攜的津路後，決定放棄牛腩。食啖麵先！粗麵份量很多，蠔油撈，算是正常，但夾集著少許腩汁，所以仍有少許臭味，但仍可接受。同碟的墨魚丸算是正常。另外碟中有許多豬紅，侍應姐姐話無菜，所以以豬紅代替，潮式打冷做法，味道正常。朋友叫了魚蛋雲吞河，係真大伏！一送上枱望到灰色的雲吞，已深感不妙，咬左一啖，不知道什麼的豬肉？夾著著蝦蓉？咬左一啖就放棄了！再試魚蛋！呢個真係大伏之大伏！即時令我反胃想嘔落碗麵到！那股味道現在回想起仍想嘔多一次！那是很明顯雪藏魚蛋時雪藏不好、雪櫃不夠凍，頻臨變壞的噏味！雖然未有變酸，但明顯有問題的味道！食完粒魚蛋，徹底地投降！執野走人！最後不得不提，轉枱後，一邊食，一邊聞到木枱傳來的臭味，係令人反胃的主因，那種臭味就似用了很久沒有洗的木砧板那般！很久沒有寫食評，但真心害怕會有人再中伏，所以都要如實的把情況反映出來，不知道上幾篇的食評是如何得到這評價，但這篇是本人親身經歷，沒有半點虛言！地球資源很保貴，這樣處理食物簡直浪費地球資源！另外，大家都努力工作，咁辛苦放工想食餐飯，食到呢碗麵真係令人唏噓！一直很支持小店、傳統美食，見到店舖內工作的公公婆婆也體諒他們，但如果食物質素如此，真的支持不了！
繼續閱讀
坤記麵家牛腩🐂一向唔錯，今日order左牛腩撈粗😋😋因為有時牛腩🐂會肥😅，所以落order時同職員講要瘦腩。牛腩好惹味喔，肉質嫩滑，夠淋，唔會韌，仲附有爽口生菜添😄牛腩撈粗😁粗麵彈牙，撈蠔油食，好惹味呀😋牛腩撈粗會送一碗紫菜湯，但我就覺得淡左d，味道麻麻喇。
繼續閱讀
您可能會有興趣的...