大丼家 (已結業)

約左老公放工去筲箕灣買野，諗住求其快d食完買埋野番屋企湊女，見到間餐廳，大大個紅色牌寫住大丼家，鮮豔奪目，就決定試下。叫左個「原祖燒牛肉飯」同「原味燒雞飯」，加飲品可享半價，叫埋凍奶茶熱奶茶。野食好快就到！正呀！首先介紹下個牛飯，都幾大碗，老公話牛肉好好味，煎得好香口，甜甜的汁，非常易送飯。個雞飯又係好好食，雞肉甜甜的，好嫩滑，而且好多，我分左d比老公。個西蘭花好味，唔係白烚，係炒過下既。酸蘿蔔也是我的最愛。奶茶都好有水準！