影片
更多
2021-08-23
745 瀏覽
2021年8月21日 晴今日同男朋友入左長洲揾朋友玩, 傾得太開心轉眼都7 點幾8 點, 想去ge cafe 都關曬門, 唯有睇下仲有邊間未閂門行左幾間, 見到呢間未閂門又想食下印度野就入去食飯lu 我地三人叫左個二人餐$328再叫多左份咖哩同磐甜品, 都幾抵食芒果奶昔, 竟然唔洗加錢 好香芒果味, 唔會好甜仲有d 乳酪酸, 好飲印度小食脆薄餅+洋蔥圏, 胡椒餅好脆, 食得多會覺得辣。洋蔥圏好香, 點埋佢個綠色辣醬好好食鐵板燒烤魚, 通常都係食雞好少食魚, 點知原來魚都係咁出色 首先唔會有雪味, 肉質夠厚夠實, 香草香料味適中, 唔會太濃搶左個味, 好好食燴薯仔椰菜咖哩, 呢個朋友話覺得辣但我覺得還好, 椰菜花唔會好淋, 好有味, 唔錯鮮茄牛油雞肉咖哩, 呢個好香蕃茄味, 入口味道較濃, 配佢個炒飯arm arm 好白汁羊肉咖哩 $88, 另外加多個個咖哩。平時比較少見白汁咖哩, 味道較重椰奶味, 羊肉夠淡唔羶, 個汁少少甜甜地但又唔會好甜, 配薄餅唔會搶味, 反而帶出佢個奶味, 好夾蒜蓉薄餅, 大大塊, 配白汁羊肉咖哩一流印度黃飯, 個飯就咁食會淡, 但配佢個鮮茄牛油雞肉咖哩就出奇地
今日同男朋友入左長洲揾朋友玩, 傾得太開心轉眼都7 點幾8 點, 想去ge cafe 都關曬門, 唯有睇下仲有邊間未閂門
行左幾間, 見到呢間未閂門又想食下印度野就入去食飯lu
我地三人叫左個二人餐$328再叫多左份咖哩同磐甜品, 都幾抵食
芒果奶昔, 竟然唔洗加錢 好香芒果味, 唔會好甜仲有d 乳酪酸, 好飲
印度小食脆薄餅+洋蔥圏, 胡椒餅好脆, 食得多會覺得辣。洋蔥圏好香, 點埋佢個綠色辣醬好好食
鐵板燒烤魚, 通常都係食雞好少食魚, 點知原來魚都係咁出色 首先唔會有雪味, 肉質夠厚夠實, 香草香料味適中, 唔會太濃搶左個味, 好好食
燴薯仔椰菜咖哩, 呢個朋友話覺得辣但我覺得還好, 椰菜花唔會好淋, 好有味, 唔錯
鮮茄牛油雞肉咖哩, 呢個好香蕃茄味, 入口味道較濃, 配佢個炒飯arm arm 好
白汁羊肉咖哩 $88, 另外加多個個咖哩。平時比較少見白汁咖哩, 味道較重椰奶味, 羊肉夠淡唔羶, 個汁少少甜甜地但又唔會好甜, 配薄餅唔會搶味, 反而帶出佢個奶味, 好夾
蒜蓉薄餅, 大大塊, 配白汁羊肉咖哩一流
印度黃飯, 個飯就咁食會淡, 但配佢個鮮茄牛油雞肉咖哩就出奇地夾, 仲會中和左個咖哩 ge 濃味, 入口滿滿咖哩香, 正
印度玫瑰蜜炸牛奶棉花球 $35, 另外叫左個平時少見ge 甜品。甜品是熱的, 以為好似湯丸咁ininunun, 原來係淋ga 有d 似浸住糖水炸過ge 蛋糕, 味道幾好, 但口感中唔中意就見人見智
張貼
