炊豕店 (加路連山道) (已結業)

見網上咁多好評試下豬扒係咪係咁好食。叫左個秘製豬扒飯（肉燥汁），一上菜大大塊豬扒勁吸引，咬落去外脆內軟，同平日食嘅炸豬扒唔一樣，中間有層煙韌嘅粉，幾特別。肉燥係平日台式嘅肉燥汁，係好食嘅。食到豬扒嘅頭尾就發現都幾多粉，最後食剩左唔少，不過總括黎講肉量都已經夠，再少粉啲就更好👍🏼(食到最後啲粉）然後仲試左沖繩豬軟骨飯，係有驚喜嘅，豬軟骨炆得夠軟同好入味，蘿蔔同蓮藕作為配菜都非常入味，加埋珍珠米飯非常夾同香，惹味嘅豬軟骨飯，推！總括黎講都係抵食嘅，有肉有菜，味道都好好，如果再多棵菜就perfect!