瀟灑哥 (已結業)

雖然而家少左出旺角，但都要定期去迫下人湊下熱鬧食下野。係旺角食野我一定去家樂坊果條街，舖頭夠集中款式又多。次次都眼闊肚窄，買到食唔落。前日行過呢間舖，見到都有啲人係舖度等緊，於是行去湊下熱鬧。間舖裝修得好日式，食物品種都算幾特別。我試左佢嘅玉子燒，拎上手果陣好夠熱出唒煙! 見到應該係 order 左即做嘅。玉子燒入面有粟米，蟹柳同芝士😍 好好味! 仲有鰻魚汁但我走左沙律醬。我覺得真係好好味,值得推介俾大家! 佢都仲有好多其他款式我下次想再試下。