一寿司 (已結業)

汪汪同貓咪都想養肥對方, 於是大家一有空閒就出外獵食, 今日本來貓咪想去旺角間風月堂, 但七點去到要排二十幾張枱, 唉, 祇能嘆句無緣, 唯有寄望下次, 我們決定轉移目標, 睇下有邊間食日本菜又唔駛等太多枱的.來到雅蘭商場, 見到呢間店門口無人排隊, 門口Memo又有我想食的壽司, 於是決定試下呢間好唔好味, 我地坐迴轉枱, 聽d前輩講click紙仔叫的野食會新鮮些, 於是我們全部都落Order, 第一時間梗係叫我一直想食的芒果花之戀啦, 三文魚卷成玫瑰花, 中間有的芒果粒粒, 賣相巳好吸引, 而清甜的芒果配上三文魚, 入口有芒果的香味再食到鮮甜的三文魚, 好好味, 再來的辣汁三文魚軍艦竟然帶俾我驚喜, 面頭的辣汁唔知係用咩做的, 同三文魚同夾, 我食完一客巳即刻order另一客, 估唔到簡簡單單的玉子燒竟然咁好味, 三件份量好大, 好香的蛋味, 我好鍾意食丫, 之後來的的都唔錯, 但無上幾款咁深印象, 兩個人食到好飽又好滿足我諗應該唔駛等幾耐我地就會重臨呢度, 因為我唔記得左食南瓜布甸, 以及呢度有我最想食的玉子燒