蠔灣 (水星街)

營業中

休息中

今日嚟到位於天后嘅蠔灣食飯，餐廳係香港都有幾間分店，聽個名都知係以生蠔為主啦。海鮮拼盤有Tia Maraa Peal，Speciales Lambert，Krystale，Tarbouriech Oyster，Gillardeau等等，份量真係好足呀，一次過可以食到唔同嘅生蠔，生蠔有香濃嘅海水味同蠔味，可以由淡味開始慢慢食到濃味，漸入佳境。赤貝方面，入口彈牙，帶少少咸味。清酒蒜蓉煮活蜆湯呢個蜆湯非常之清甜，入口仲有少少酒香同蒜蓉嘅香味。蜆非常之大隻，仲好厚肉添。龍蝦意粉龍蝦好大隻，入口鮮甜，仲好彈牙添。意粉方面，調味調得啱啱好，唔會太過濃味，入口唔會覺得太肥膩。整體來講，餐廳嘅食材都好新鮮，特別係生蠔嘅味道非常之好，我覺得最有特色嘅地方係可以喺自己嘅海鮮拼盤度揀自己想要嘅生蠔嚟試，再加上有店員嘅介紹，令到我更了解生蠔嘅產地。