大灰熊廚房 (裝修中)

我今日去左將軍澳辦事，順道約同好友去位於將軍澳唐賢街23號帝景灣商場1樓34-35號舖的大灰熊廚房食中菜。環境寬敞舒適，好有大排檔的感覺。我點左金銀蛋浸時蔬（白菜）$108，椒鹽豬扒$128，惹味小食係黃金豆腐粒$38。黃金豆腐粒炸得好出色，炸粉好薄及乾身，豆腐超滑，真正是外酥內軟。金銀蛋浸白菜好有家庭菜味道，賣相不錯，鹹蛋和皮蛋份量足，白菜新鮮，湯底鮮甜。椒鹽豬扒炸得金黃，椒鹽令豬扒好有護氣和惹味，肉質軟腍好咬口，十分好味又好食！