壹食就醉

營業中

休息中

聽朋友講尖沙咀有間樓上舖係私房菜唔錯，主打清酒卜卜蜆，咁我同老婆點都上去試下，順便試埋小菜先。除左有小炒之外，我地仲見到有人打邊爐，不過呢日我地既目標係海鮮小炒，上到去店舖有好多房間，可比一大班人相聚。我地先叫左個細既 (清酒卜卜蜆)，之後再睇下有咩小菜先。【卜卜蜆-細】呢排天氣轉涼，個卜卜蜆一上枱發現都唔細，仲要都好多蜆，滿滿嘅沙白蜆配上香芹辣椒，睇落個湯底都唔錯仲好濃，滾到一半再加清酒落去，清酒既香味真係好香呀，蜆肉非常鮮甜。值得推介!!【椒鹽鮮魷】喜歡吃炸嘢的我，點了香口既椒鹽鮮魷，外皮鬆化，香口仲帶點辣，肉質爽口彈牙，送酒一流。【蒜片安格斯牛仔粒】一來到非常之香，因為有炒香左既蒜片連埋牛仔粒既香味，已經流哂口水，牛仔粒肉質都非常juicy，大大粒，煮出來又不會過老。