噹噹燒 (已結業)

一直男友都話Lee間d日式燒餅好味，但都未來過，今晚終於同佢來噹噹燒Dinner，因為都係興致勃勃突然決定來，所以無Book位，打算搏下睇下有無位。七點幾入到去都有幾枱坐左人又有d reserved，我地兩個一係坐店外港晶中心地方，一係坐bar枱，咁梗係揀bar位啦！其實d日本居酒屋同迴轉壽司店有bar枱的目的係俾d客人見下佢地整食物的功架，甚至同佢地傾計溝通(香港的居酒屋當然唔興啦)。舖位唔大，見佢地有個牌寫「公眾假期、節日及Weekend，每位消費最少HKD90。」都明白嘅，佢地舖位細，節日係應該多d客，坐左落來梗係希望你地叫多d啦～舖入面的擺設都好得意，個紙巾盒係人樣，又掛起好多客寫的木牌又有即影即有相，感覺好closed。講返食物，我地叫左三樣菜︰芝士煙肉噹噹燒、炸花枝丸串同煎餃子。噹噹燒料夠多，好鍾意個醬汁，又夠熱，正！炸花枝丸就普通少少，無咩特別。而個煎餃子吸引的地方係撒左d紫菜係上面，好惹味好香。賣單Total　HKD152，都唔算貴，而且佢地無計最低消費喎！果然真係好似男友所講，值得再來呀！