大馬路海鮮酒家 (已結業)

兩個人想食個簡簡單單嘅晚餐，又想食少少海鮮，因為有朋友介紹，所以去咗大馬路試一試。叫咗豉椒炒蟶子，粉絲蒸扇貝，同埋海鮮雜菜煲。蟶子鮮甜，一啲都唔鹹，同埋有好多隻，抵食！扇貝好新鮮，肉質彈牙，好好味！海鮮雜菜煲啲湯底好清甜，非常足料。開頭諗住唔肚餓，所以只係嗌咗三樣餸，食少少，估唔到三樣餸，已經令到我哋捧住個肚返度假屋。大馬路入邊嘅夥計，個個都好友善，招呼十足，老闆好好人，出嚟同我哋打招呼同傾偈。下次嚟南丫島，一定會再去幫襯！