影片
更多
2022-09-25
679 瀏覽
同朋友喺葵涌，就想搵間cafe飲咖啡。喺openrice見到呢間好似唔錯，就跟住Google map行過嚟，cafe好易搵，一嚟佢喺商場入面，二嚟佢仲對住條街添。之前睇相，我冇諗過原來cafe都幾細，大約坐到4-5個人，如果再多人啲，可能有危險，因為餐廳對住商場果面係開放式出入口，而對街果面又有另一度門出入，兩邊都使用的話，就令到cafe裡面的空間更侷限，加上入咗cafe行兩步有一級，所以動作都唔敢太大。我同朋友分別點咗dirty（$45/杯），再加1件chocolate mochi bagel（$42）兩份食。我本身對bagel有少少保留，因為整得唔好食都幾「un」，但呢個bagel 唔「un」，仲有少少脆，麵包內藏朱古力麻糬，雖然夾心冇填滿（~1/2-1/3），但好食又唔會太甜。Dirty層次分明，飲開咖啡的朋友本來嫌barista沖得太耐，但上檯後佢有話咖啡豆唔錯。我哋兩個本來幾攰，但飲完杯啡，都有精神一振的感覺。我見cafe生意唔錯，坐咗一陣，佢都keep住有客，應該都一班支持者！我會推薦可以嚟呢度快飲叉電，但如果諗住chill下，我就唔係太建議喇。首先，cafe座位唔多，都唔
我同朋友分別點咗dirty（$45/杯），再加1件chocolate mochi bagel（$42）兩份食。我本身對bagel有少少保留，因為整得唔好食都幾「un」，但呢個bagel 唔「un」，仲有少少脆，麵包內藏朱古力麻糬，雖然夾心冇填滿（~1/2-1/3），但好食又唔會太甜。
Dirty層次分明，飲開咖啡的朋友本來嫌barista沖得太耐，但上檯後佢有話咖啡豆唔錯。我哋兩個本來幾攰，但飲完杯啡，都有精神一振的感覺。我見cafe生意唔錯，坐咗一陣，佢都keep住有客，應該都一班支持者！
我會推薦可以嚟呢度快飲叉電，但如果諗住chill下，我就唔係太建議喇。首先，cafe座位唔多，都唔要等幾耐先有位；再者佢生意唔差，都唔好意思慢慢嘆，阻住人哋做生意；cafe地方淺窄，坐低、放袋都唔係好方便；最後，我覺得呢度雖然飲品、食物都唔錯，但真係有少少貴。
張貼
