Estiatorio Keia (已結業)

第一次來呢到係食晚餐，覺得好好味，於是encore. 今次同男朋友來慶祝生日lunch. Buffet唔多選擇，但勝在好味同算幾精緻。特別鍾意食呢到既薄餅同包類。串燒都幾有驚喜，但可以熱啲。魚生類都唔錯，唔算超級鮮味，但可接受。主菜揀左海鮮意粉同牛扒。兩樣都好好味。上次來都食過海鮮意粉，個粉口感煙韌，龍蝦湯香濃，食完唔會口渴。牛扒亦調味好好，食唔晒攞走，下一日再食都覺得仲係好好味。甜品好味但無咩驚喜，偏甜。最後有小小的生日蛋糕，侍應同廚師出來唱生日歌，氣氛好好。順帶一提，呢到服務好好，環境光明光猛，人流唔多所以坐的舒服。一試無妨。