手作之店 (已結業)

當日路經此店打算只是望一望.店員非常熱情,不斷叫我地試味,同朋友二人短短一兩分鐘已試咗差不多10種口味.由於,試得太多,有些許唔好意思.同朋友各買了1球(大球)芒果味雪糕. $12/大球: 雪糕筒係waffle格紋的,個人較鍾意這種雪糕筒,另外,心理上覺得價值應較普通7-11的雪糕筒貴D. 雪糕好足料,食到雪糕筒近底部都仲有雪糕,食完好飽肚. $9/細球:雪糕筒size 比大球細1倍.見到禁細嘅雪糕筒都估到D雪糕一定唔多,而且個雪糕筒係普通7-11的雪糕筒.同朋友二人,二話不說加多$3轉大球.P.S. 此店無論用紙杯裝定雪糕筒裝雪糕,價錢一樣,所以選擇雪糕筒係抵D(可以多樣嘢食下). 芒果味雪糕(係店鋪人氣之一)味道係熟咗嘅芒果味,食落成口都係芒果味,值得一試.試咗禁多味,另外,較有印象嘅係荔枝味味道唔錯, 都幾濃荔枝味. 此店不是隻隻味都好食,例如:抺茶味,幾乎無抺茶;另一店舖人氣特濃朱古力, 朱古力多但朱古力味唔濃(望落去以為好多朱古力,味道一定好出,但食落去只是偏淡的朱古力味). 口感普普通通,不會特別滑.整體係:員工的服務,唔洗加錢可以有雪糕筒,大球的waffle雪糕筒吸引,芒