好茶養生 (MOKO新世紀廣場) (已結業)

今日陪個待嫁中嘅朋友去MOKO，佢話嚟睇回禮禮物，原來係帶我嚟呢間好茶養生。店內果然有好多唔同味道同功效嘅養生茶包，仲有唔同嘅包裝，絕對可以用嚟做賀年送禮。呢度仲有小禮物嘅包裝出售，可以訂嚟做回禮或散水禮物，大方得體又方便。朋友準備落單訂回禮禮物之前，我就提議先即場叫返杯養生茶飲吓，順便試吓要咩味道嘅茶包。餐牌上話呢個「皇牌氣血茶」有理氣散瘀、暖宮驅寒之效，真係好啱女士飲用。佢嘅成份包括桂圓、紅棗、千日紅、康仙花、金盞菊、金邊玫瑰、黑枸杞，雖然有啲成份就比較陌生，但上網查找過之後就知道全部都係好啱女士補身之用。第一啖飲落有好香嘅玫瑰花味，再加埋桂圓紅棗等清甜滋潤嘅味道，感覺怡人！我平時都懶自己煲茶焗茶，嚟呢度可以即場叫一杯嚟飲真係好方便！另外想試酸酸味味嘅飲品，所以就揀咗青蘋果青檸茶。飲品上面仲有少少泡泡，而青蘋果同青檸味味道平均，可以同時飲到青蘋果嘅酸甜同青檸嘅清新，感覺好fresh。呢度仲有甜品出售，正所謂「見到美食總是餓」，所以我又忍唔住帶兩件甜品返屋企。呢個甜品裏面係紅莓慕絲，中間夾咗一層紅莓味啫喱，仲有餅底，酸酸哋幾好味。另外仲買咗果漾啫喱蛋糕，主要有士多啤梨同藍莓做雜果。切