川莊

營業中

休息中

今晚去朗豪坊睇戲，因為有四小時泊車優惠，所以就順便搵埋食，朋友想食辣野，所以上左十二樓呢間川菜-川莊，以前呢間係朗豪坊人龍店，夜晚無論咩時候都有人排隊，可能香港經濟低迷，市道不景，無需要排隊，門口侍應帶到入去，都叫滿座，只係剩返一張窗邊枱，可能好耐冇嚟過，而家都係用QR code落單，一用手機落單，就有一個推介彈出嚟，石鍋辣桶蠔，本人鍾意食蠔，所以就叫咗一個嚟試吓，嚟到熱辣辣，上枱仲吱吱喳喳，一睇就好惹味，食落就非常好味，辣味啱啱好，最重要係有蠔味，呢個非常好食，值得推介，反而叫咗個辣椒炒牛肉，辣度夠，可能有個爐熱住嘅關係，最後啲牛肉有少少老，仲叫咗個燒菠蘿，酸酸甜甜非常開胃，整體味道都唔錯，價錢雖然比深圳高，但係喺地價高嘅香港，完全合理！