潮金稻園 (已結業)

呢間餐廳有特別好食嘅潮汕砂鍋粥，細鍋都夠四個人食，料靚價錢又唔貴！✨潮汕砂鍋粥 $190鮮雞件 (份)乾瑤柱 (份)鮑魚 (隻)粥底軟綿而且充滿雞肉同瑤柱嘅鮮甜，雞件仲好嫩滑！雖然我哋淨係叫咗一隻鮑魚，不過因為係切片落去滾，所以一人都食到好多片。✨燒雞軟骨$18✨燒雞中翅 $24✨燒墨魚咀 $25✨燒牛油粟米 $25佢哋有唔少串燒，而且價錢都唔算貴。雞中翼燒得又香又多汁。雞軟骨同墨魚咀都好爽脆。粟米燒到充滿牛油香。✨大盤花菜 $78我哋揀咗走辣，不過都係咁香咁惹味，好啱餸飯。✨招牌冰粉 $48冰粉清甜解辣，仲有啲果仁同山渣片增添口感。