生記粥店

營業中

休息中

有次係附近睇完中醫想食晚飯， 行過見到間唔起眼既粥店， 胃口又麻麻地諗住入去食碗粥就算， 但估唔到佢相當唔錯， 自始每次睇完中醫就會去呢度食飯。自選三餸湯飯肉丸係舖頭自家手打，都彈牙同埋應該有少少馬蹄放咗入去，所以口感都有啲爽脆，而魚腩都幾新鮮唔錯，個湯又清清地易入口。豉汁蒸倉魚飯價值68蚊嘅倉魚好大條，豉汁味香濃，係家庭式嘅味道。蝦米腸佢哋嘅蝦米腸幾好食，蝦米好香口。白糖糕白糖糕相對就好普通。凍豆漿應該係舖頭自己造既，唔錯。