春禧小館 (已結業)

同個仔喺觀塘海濱花園附近放完電之後想醫肚，行翻入偉業街見到呢間春禧小館，係一間開放式既台式小店，入面有粉色花花牆，出面有open area配霓虹燈牆，打卡一流😍！✨紅燒腱心牛肉麵呢個有驚喜！小店自家滷牛𦟌炆到十分軟稔入味(仲有勁多款滷味，下次試埋先😆)配上刀削麵topped with爽脆雪菜，湯底濃郁香醇又不膩、有香料味但不過咸，筋道既刀削麵幾吸湯汁，惹味😋。隨餐可選沙律、甜品。✨地瓜QQ球 好濃蕃薯味超好食！唔係空氣波波係包心嗰隻，外脆內煙韌，但難得唔會炸到索晒油咁！入面係蕃薯同紫薯蓉，食得出天然既地瓜甜味😛✨芋泥肉鬆吐司 好大pat芋泥同好多肉鬆，咸咸甜甜好滋味，配上厚多士口感一流😍啱晒芋頭控！✨玫瑰泡泡浴茶底係玫瑰花茶，好香！面頭有一pat奶蓋，再灑上玫瑰花瓣，用浴缸仔裝住，靚到唔捨得飲😍！✨外婆家豆乳 豆味香濃，入口順滑，微甜清爽無負擔。今次係熊仔樽仔，小朋友都好中意，之前見到有用奶樽裝仲有玩味😍😂✨台灣烤香腸喺收銀見到有烤腸機忍唔住叫！啖啖肉，瘦肉比例高，口感紮實！餐廳門口仲有賣好多台灣伴手禮！食飽又可以掃d台灣零食翻屋企繼續慢慢嘆！🤩