影片
更多
2018-04-03
3531 瀏覽
今日都係觀塘食晚飯，原來觀塘工業區都有一間好好食既素食餐廳，係香港搵一間別有風味既素食係比較難。普通好油膩既傳統中式煮法，食過幾間已經聞之卻步。既然男朋友介紹，咁應該唔會係伏黎既，行左一段路，終於到左目的地。原來係一間佛教素食，第一次去感覺好新鮮，唯獨地點有少少山旮旯，夜晚比較難搵。入到去有食堂既感覺，不過一坐底，見到檯面既擺設都幾新鮮。睇左一陣餐牌，有侍應姐姐講解今日有咩食，講解時候都好用心，最後點左以下幾樣。雜錦壽司定食配喬麥麵 上菜既時候，我見到壽司既樣真係有一種意想不到既感覺。原來壽司都可以素食，感覺好新鮮。用蕃茄代替三文魚，食落口好開胃，雖然花紋做唔到三文魚咁十足，賣相已經好吸引，非常聰明既做法。醃蘿蔔代替吞魚係好特別既做法，做到吞拿既深淺魚紋，我起初以為會比一般平時食開超市既味道。結果令我另眼相看，原來係師傅自己醃制，創意分絕對加分。用燒菠蘿代替玉子，基本上呢三款壽司不論做型上，味道上都係相當有創意。三文魚沙律方面，素食既三文魚配生菜紅蘿蔔，再加少少醋，味道清新又又開胃，賣相可以幾何亂真。最令我有驚喜係冬菇喬麥麵，香氣可以用味勝易牙形容，湯頭係師傅自己用冬菇去煮，而唔係貪
原來係一間佛教素食，第一次去感覺好新鮮，唯獨地點有少少山旮旯，夜晚比較難搵。入到去有食堂既感覺，不過一坐底，見到檯面既擺設都幾新鮮。
睇左一陣餐牌，有侍應姐姐講解今日有咩食，講解時候都好用心，最後點左以下幾樣。
雜錦壽司定食配喬麥麵
上菜既時候，我見到壽司既樣真係有一種意想不到既感覺。原來壽司都可以素食，感覺好新鮮。用蕃茄代替三文魚，食落口好開胃，雖然花紋做唔到三文魚咁十足，賣相已經好吸引，非常聰明既做法。醃蘿蔔代替吞魚係好特別既做法，做到吞拿既深淺魚紋，我起初以為會比一般平時食開超市既味道。結果令我另眼相看，原來係師傅自己醃制，創意分絕對加分。用燒菠蘿代替玉子，基本上呢三款壽司不論做型上，味道上都係相當有創意。三文魚沙律方面，素食既三文魚配生菜紅蘿蔔，再加少少醋，味道清新又又開胃，賣相可以幾何亂真。
最令我有驚喜係冬菇喬麥麵，香氣可以用味勝易牙形容，湯頭係師傅自己用冬菇去煮，而唔係貪一時之快，用粉開出黎。清淡既冬菇湯再加冬菇片，冬菇片味道相當濃烈，喬麥麵爽口，整體絕對睇到師傅相當用心去煮。
鮮果藜麥沙律
藜麥以奇異果，蕃茄，菠蘿，藍莓混合，再配柚子醋混合，上菜賣相睇得出唔係炒埋一碟，有舖排。不過由於水果方面都有一定既果酸味，再加柚子醋會酸左少少，不過最令我開心既事係，餐廳既侍應會好直接提問意見。仲會聽我意見比少少廚師試食，等佢知道明白碟沙律酸既程度，呢點未必好多餐廳做到，絕對值得我再去。
芝士焗大菇伴小米
賣相方面絕對係一流，有用對比色去突出大菇，食既時候睇到師傅係焗冬菇方面係高水準，因為大冬菇一浸過水，再舖滿雜菜，而且再用芝士舖面，當咁高水份既食材去焗，焗太快會令到大菇唔熟，仲會係切既時候出一堆水。但係呢對大菇冇發生呢個情況，食落口既時候，大菇仲熱熱地，芝士仲可以做到拉絲既效果。味道好濃烈芝士味，爽脆既雜菜，爽滑大菇，三重味覺刺激。絕對推薦大家不妨試下，而小米都係偏酸，希望下次有改進。
鮮淮山豆漿燴飯
二人份量，賣相起初我以為係帶子，放入口原來係淮山，第一次食煎淮山，賣相與煎法跟帶子無異，脆口味甜。碎蕃茄有開胃之效，令我讚不絕口係個豆漿味道，簡直可以同卡邦尼幾何亂真，但係比卡邦尼汁健康好多，我食左好耐都唔知原來係豆漿，要問番侍應姐姐先知道原來係豆漿。最後個意大利飯肯定到師傅煮燴飯係高水準，因為燴飯係一邊加水一煮攪拌煮，太少水會煮得好硬，太多水會令到燴飯變湯飯，飯會冇左咬勁。而呢個燴飯煮得恰到好處，飯比豆漿汁包住。大家一定要試下。
鮮茄香草竹筒粉
新鮮蕃茄代替傳統罐頭茄肉，味道出眾更食到蕃茄酸甜味，香草係台灣煮三杯雞用既九層塔，味道好刺激。又酸又辣令我一啖又一啖咁食，相當開胃，再配翠肉瓜配竹筒粉，可見師傅都會照顧大家既眼睛既享受。唔會全紅色單調既顏色，味道爽脆。竹筒粉由於空心，中心位會裝到汁，味道更加一流。
整理而言，侍應既殷勤既服務，再加廚師既高超既煮藝，雖然係有少少菜式失左少少水準，但係都情有可原，因為素食煮法，食材選擇限制枉枉比非素食多好多，同埋都好考廚師既創意，呢一間餐廳絕對係符合一流水平，最值得加分係侍應姐姐當我我女朋友食完一道菜式，都會要求我地意見，呢一點正正現今好多餐廳要學習既地方，達到精益求精。所以下次我一定會再去，因為好食既素食餐廳非常少！
張貼
