影片
更多
2011-12-02
15 瀏覽
在附近辦事，完成要做的事已經2點半，當然要填飽肚子才回公司。沒時間慢慢歎，打算揀間舖頭仔快趣食，路過此店剛好聽倒附近花店的哥哥正在買外賣，一買三個；相信是水準還可以，附近的街坊才會幫襯吧。偷聽倒花店哥哥要A餐臘腸蒸肉餅，好，我又跟點餐後，阿姐話：「剛好賣完，要等一下啦。」也不會等太久吧，而且即叫即整，仲正！等了五～十分鐘，肉餅先上，看來肉汁豐盈，熱辣辣的樣子；上面不單有臘腸，仲有幾舊膶腸，而且一D都唔孤寒，唔會切到紙咁薄。試一口肉餅，好鬆化，又有肉汁肉香；再試雙腸，當然唔會係上乘貨色，但食起o黎起碼無油益味，又唔會塞滿肥肉無乜豬肉成份，加上份量都唔少，令人感覺良好。雖然呢個肉餅唔係傳統結實彈牙o既肉餅，但本人偏好呢類帶肥肉同肉汁的鬆化肉餅，配上熱辣辣又軟淋淋o既白飯，真係食得好開心最後o黎杯熱檸水，發覺檸檬好新鮮，絕無苦澀味，檸檬肉粒粒飽滿，小店選料應該都幾新鮮吧。$33一個午餐，新鮮熱辣，用料新鮮，實在值得支持。（因為今次完全無諗過會為呢間小店寫食評，所以完全無考慮過影相就食晒落肚，只影得一張檸檬，下次去一定要記得影相~~）
等了五～十分鐘，肉餅先上，看來肉汁豐盈，熱辣辣的樣子；上面不單有臘腸，仲有幾舊膶腸，而且一D都唔孤寒，唔會切到紙咁薄。試一口肉餅，好鬆化，又有肉汁肉香；再試雙腸，當然唔會係上乘貨色，但食起o黎起碼無油益味，又唔會塞滿肥肉無乜豬肉成份，加上份量都唔少，令人感覺良好。雖然呢個肉餅唔係傳統結實彈牙o既肉餅，但本人偏好呢類帶肥肉同肉汁的鬆化肉餅，配上熱辣辣又軟淋淋o既白飯，真係食得好開心
最後o黎杯熱檸水，發覺檸檬好新鮮，絕無苦澀味，檸檬肉粒粒飽滿，小店選料應該都幾新鮮吧。
$33一個午餐，新鮮熱辣，用料新鮮，實在值得支持。（因為今次完全無諗過會為呢間小店寫食評，所以完全無考慮過影相就食晒落肚，只影得一張檸檬，下次去一定要記得影相~~）
張貼
