影片
更多
2023-02-26
95 瀏覽
平時行過呢間餐廳都見到出邊有條人龍，今日就特登同阿仔去試吓佢。我哋到嘅時候約下午1:30，餐廳仍然係滿座，好在企咗冇幾耐就有人埋單，所以唔算等得太耐。餐廳用嘅係長形餐枱，所以客人們都係排排坐，坦白講，唔係坐得好舒服。我哋被安排坐喺餐廳里最入面靠牆的位置，要埋位嘅時候比較辛苦，因為實在係好逼夾，好處係食嘢嘅時候唔需要讓位俾出出入入啲人。餐牌上面嘅選擇唔算太多，我哋一心嚟食船麵的，咁就不作他想，就要咗兩個牛肉船麵。除此之外，仲要咗一個細分嘅阿叔拼盤，飲品方面，阿仔要咗一杯泰式綠奶茶，我就嗌咗泰式奶茶。牛肉船面到喇，先飲一啖湯，微辣，湯底濃郁，牛肉味重，唔錯，我鍾意。呢個船麵我哋揀咗金邊粉，始終咁樣比較似正宗嘅船麵。配料方面有豬皮、肉丸、芽菜、豆卜等，都係一般船面會食到嘅嘢。阿叔拼盤上有四個小食，分別係雞翼，炸魚餅，冇骨鳳爪同埋椰汁西米糕及椰子啫喱。坦白講，雞翼同埋炸魚餅都係一般，叫做中中規中矩，嗰無骨鳳爪酸酸辣辣幾開胃，因為唔想食甜嘢，所以兩個甜品就俾阿仔搞掂。至於兩杯飲品，因為唔記得咗叫少甜，所以我就嫌佢甜咗啲，不過茶味都叫做濃，所以係可以的。埋單連加一差唔多三舊水，唔算係平。但係今時今
餐廳用嘅係長形餐枱，所以客人們都係排排坐，坦白講，唔係坐得好舒服。我哋被安排坐喺餐廳里最入面靠牆的位置，要埋位嘅時候比較辛苦，因為實在係好逼夾，好處係食嘢嘅時候唔需要讓位俾出出入入啲人。
餐牌上面嘅選擇唔算太多，我哋一心嚟食船麵的，咁就不作他想，就要咗兩個牛肉船麵。除此之外，仲要咗一個細分嘅阿叔拼盤，飲品方面，阿仔要咗一杯泰式綠奶茶，我就嗌咗泰式奶茶。
阿叔船麵
$66
18 瀏覽
1 讚好
0 留言
牛肉船面到喇，先飲一啖湯，微辣，湯底濃郁，牛肉味重，唔錯，我鍾意。呢個船麵我哋揀咗金邊粉，始終咁樣比較似正宗嘅船麵。配料方面有豬皮、肉丸、芽菜、豆卜等，都係一般船面會食到嘅嘢。
阿叔拼盤（小）
$88
7 瀏覽
0 讚好
0 留言
阿叔拼盤上有四個小食，分別係雞翼，炸魚餅，冇骨鳳爪同埋椰汁西米糕及椰子啫喱。坦白講，雞翼同埋炸魚餅都係一般，叫做中中規中矩，嗰無骨鳳爪酸酸辣辣幾開胃，因為唔想食甜嘢，所以兩個甜品就俾阿仔搞掂。
泰式奶茶、泰式綠奶茶
6 瀏覽
0 讚好
0 留言
至於兩杯飲品，因為唔記得咗叫少甜，所以我就嫌佢甜咗啲，不過茶味都叫做濃，所以係可以的。
埋單連加一差唔多三舊水，唔算係平。但係今時今日喺香港，呢個價錢都係中位數，都叫做可以接受啦。
張貼
