鳳雛燉雞

營業中

休息中

約左朋友幾個去旺角食飯，好耐無食韓國野就揀左鳳雛燉雞，之前已經無意中見過佢燉雞既圖好想食今日終於有機會試。我地叫左個人參雞湯、芝士燉雞加冬粉、牛肉紫菜包飯同埋水果米酒套餐。首先黎左紫菜包飯，幾個人飢腸轆轆即刻夾黎食，包飯一舊都幾大舊食落幾滿足，牛肉味到唔會比配料掩蓋左，紫菜同飯質感亦唔會太淋。之後黎左人參雞，之前去韓國食過當地既人參雞，始終同當地無得比，但都算係幾濃郁雞味同埋湯都幾好飲，雞配飯再加湯暖笠笠幾好食。之後就上左今餐重點，芝士燉雞，一上菜見到個盤甘大個都有d嚇親，份量真係好驚人。芝士撈完拉絲望到已經好吸引，急不及待試左舊雞，覺得雞無話好驚喜地好食，正正常常。不過入面既冬粉就十分驚喜，一條條冬粉吸曬d汁超級好味，忍唔住不停夾，而且質感滑lutlut煙煙韌韌，真係好推薦。最後要講既係水果米酒，平時其實唔太鍾意飲酒，不過朋友都係好酒之人就join飲黎試下。出奇地覺得幾好飲，可能因為係水果味又係米酒，酒味唔算好濃，淡淡地甜甜地幾特別幾開胃，連我呢個唔太鍾意飲酒既人都覺得幾好飲，所以唔太飲酒既大家都推薦可以試下，可能對酒有少少改觀。整體黎講食物質素都幾好，冬粉令人回味無窮，有機會會再去