茶記冰室 (已結業)

最近有朋友搬咗屋，搬咗去石蔭個頭我問佢個頭有乜好食，佢就介紹咗呢間鋪頭店面已經貼咗好多好吸引又睇落已經知好食嘅相片，已經好吸引人行入去一坐低，見鋪頭裝修就覺得靚，傳統茶餐廳經典美食飲地下用黑白地磚，襯托到間餐廳好光猛又舒適😍食物方面MENU 都好有幾多選擇，係令到我地眼花撩亂一番之後我哋決定叫四個餸，填飽下個肚。首先講皇牌主打-冰鎮咕嚕肉侍應一大盤咕嚕肉拎過嚟，就已經知道一定好抵食啲咕嚕肉食落又凍又熱，口感好特別另外重點係當中有提子同埋車厘茄襯托兩個都好甜好好食😛第二碟就係-招牌黃金蝦當侍應張碟餸送到面前嘅時候，已經聞到濃郁嘅蛋黃香味食落每隻蝦更都充滿着蛋黃嘅甘香，每隻蝦肉都十分新鮮，會令人食到停唔到口第三碟就係-千島伴鬼馬一見到個食物就已經香氣撲鼻千島汁伴隨充滿着魚香的魚膠以及馬蹄粒，外皮香脆入邊爽口彈牙，勁正！第四碟就係-海皇什菜煲個煲一送來就見到滿滿嘅餸菜，煲內的海鮮及蔬菜都十分新鮮鮮甜仲可以清清之前小菜的油膩感，冇得輸！店鋪食物好食之餘，D 員工仲好有禮貌感覺好有街坊街里嘅親切感，真係值得繼續幫襯!