茶記冰室 (已結業)

今次黎到葵涌，因為要探個好耐冇見嘅朋友關係搭到黎石蔭一齊食間佢介紹嘅茶記，仲話係佢嘅飯堂喎，一於試試間餐廳有咩吸引之處！入到去就俾佢嘅裝修吸引左喇！牆邊掛住左好多帶有現代感嘅舊式餐牌，配埋啲舊式嘅枱枱櫈櫈，唔講咁多食左野先！我同朋友兩個人太肚餓所以叫左三碟餸，每人都會跟一大碗白飯同湯，夠哂飽！個湯好清甜，有驚喜，唔似一般茶餐廳咁重味精。我地叫左燒薯牛粒，食物一到我同友人都雙眼發亮！薯仔粒食得出加過啲糖黎燒黎吊味，牛粒出奇地稔而且好入味，真係食到停唔到口！另外叫左茶記必食嘅椒鹽豆腐，佢嘅椒鹽蒜粒都好多，我諗3-4個人食都食唔哂，好彩我地2個係大胃王！最後就係蓮藕餅，外表睇落已好吸引因爲2邊都煎到燶燶地，一食落口十分有驚喜原來入面勁juicy，佢係蓮藕打入啲肉度整成餅煎，食落好似漢堡扒但因為溝左蓮藕又冇咁滯但又會有豬肉既鹹香，呢碟絕對值得推薦，而且有8大塊每塊都有成隻手掌咁大，好抵食！！望到隔離枱食緊羊腩煲，真係好有舊時茶記嘅風味，有機會再黎到的話我想試埋佢呀！最念念不忘一定係佢個蓮藕餅😋