華香雞 (已結業)

最近約舊同事傾開以前成日食既雞飯，本身好耐個間尖沙咀舊址已經冇咗，今日專登去灣仔呢間回味下當年返工食午飯既感覺。我哋一人一個套餐，兩個套餐入邊嘅小食唔同，share一齊食裹面嘅小食，小食有雞腎、豬耳、腩片等，都係滷水既，有d打冷feel, 都幾好味，份量都吾算少。兩個個套餐都可以一次過食晒華香雞同茶香雞，不過一人豪華套餐嘅雞有雞髀，靚過特色四寶套餐，再配黃薑飯，回憶返晒黎。兩款雞既肉依然嫩滑鮮味，十足雞味。招牌華香雞依然係白滷水果浸香味，唔點薑蓉都已經好好味。我個人比較鍾意茶香雞果浸烏龍茶既香味，加上滷水汁焗出嚟既雞味的確係比較好味d，同行朋友就話難分高低喎。黃薑飯都係充滿黃薑味，撈薑蔥蓉用嚟配雞認真好味。另外點咗滷水蛋同醉蛋試吓，滷水蛋同樣夠味，醉蛋好香紹興酒味，糖心蛋食落好香。今次嘅回味都好開心，希望下次可以約多d舊戰友再食過華香雞。