影片
更多
2019-01-11
76 瀏覽
收工得閒決定去又一城嘅Mad for Garlic， 一間主打蒜頭嘅餐廳， 可能你會驚食完口有味但其實又唔會，等我講下我哋嗰晚食咗啲乜嘢啦！蒜香忌廉汁煮鮮活青口配法包片 (唔食得辣嘅朋友可以走辣）平時我都唔太鍾意食青口鍾意食蠔多啲， 一來因為大粒啲二來青口好難煮得好味。但呢度佢畀嘅青口分量好多同價格成正比，最重要既係夠新鮮，再索埋啲蒜香忌廉汁，非常正正！法包正正常常，但食完青口用嚟點汁一流。熱板烤香草美國肉眼扒配法式芝士薯蓉呢一味菜有大大粒蒜頭喺隔離， 我諗除非係好鍾意食蒜嘅人否則都唔會成粒食曬，所以我都係試咗少少， 蒜頭吸收咗牛扒嘅油香，都唔錯。牛扒我哋要咗七成熟， 價錢有返咁上下塊扒質素都自然好 冇乜嘢位可以挑剔， 仲要有兜細細地嘅拉絲芝士薯蓉，個份量啱啱好！藍芝士， 蜜糖 意大利薄餅鍾意食芝士嘅朋友一定唔可以放過呢一個薄餅， 先唔好講佢芝士味極濃厚， 重點係加上特別嘅蒜味蜜糖醬汁任你點， 甜得嚟又有芝士味，有芝士味之餘又有蒜頭味，不斷衝擊我嘅味蕾 ! 雖然塊薄餅都有12吋但因為係薄批，所以都唔係話好飽好滯。4. 法式薄餅包自家製雲呢拿雪糕及香蕉配檸香蒜糖漿（期間限定唷~）我覺
蒜香忌廉汁煮鮮活青口配法包片 (唔食得辣嘅朋友可以走辣）
平時我都唔太鍾意食青口鍾意食蠔多啲， 一來因為大粒啲二來青口好難煮得好味。
但呢度佢畀嘅青口分量好多同價格成正比，最重要既係夠新鮮，再索埋啲蒜香忌廉汁，非常正正！法包正正常常，但食完青口用嚟點汁一流。
熱板烤香草美國肉眼扒配法式芝士薯蓉
呢一味菜有大大粒蒜頭喺隔離， 我諗除非係好鍾意食蒜嘅人否則都唔會成粒食曬，所以我都係試咗少少， 蒜頭吸收咗牛扒嘅油香，都唔錯。
牛扒我哋要咗七成熟， 價錢有返咁上下塊扒質素都自然好 冇乜嘢位可以挑剔， 仲要有兜細細地嘅拉絲芝士薯蓉，個份量啱啱好！
藍芝士， 蜜糖 意大利薄餅
鍾意食芝士嘅朋友一定唔可以放過呢一個薄餅， 先唔好講佢芝士味極濃厚， 重點係加上特別嘅蒜味蜜糖醬汁任你點， 甜得嚟又有芝士味，有芝士味之餘又有蒜頭味，不斷衝擊我嘅味蕾 ! 雖然塊薄餅都有12吋但因為係薄批，所以都唔係話好飽好滯。
4. 法式薄餅包自家製雲呢拿雪糕及香蕉配檸香蒜糖漿（期間限定唷~）
我覺得呢個甜品最好味係佢個crépe， 同埋有趣係你食雪糕時會發現入面都有蒜頭， 本身我對食就原粒蒜頭，但食左一粒都覺得幾好食
埋單大約每人三百七十蚊， 偶爾食餐好嘢都幾好
張貼
