潮福蒸氣石鍋 (已結業)

成日都聽到人講食蒸氣海鮮石鍋好好食今日行開山還見到呢間野有任食所以就叫班朋友同我去食啦入到去會經過一個海鮮架上面有好多新鮮海鮮明碼實價跟住就會經過漿料架有我最鍾意食嘅XO醬仲要係任攞喎坐低之後見到個蒸氣鍋好搞笑唔知點解有啲泰式感覺一坐低梗係點左個乳鴿先肉質非常滑皮脆肉嫩 貝殼盛盆非常鮮甜唔會有沙其實唔點醬都好好食蒸美國桶蠔我真係第一次食食落去又幾鮮甜鍾意食蠔嘅可以試試呢個蒸元貝我好鍾意食佢已經幫你切好晒食落去唔使咁麻煩味道鮮甜蒸左都唔會乾鮑魚配上蟲草花鮑魚已經預先幫你切好咬落去方便又快捷由於同平時用豉油蒸唔一樣咁樣整佢鮮味出晒嚟唔怪得好多人都話好食平時我好怕食蒸雞因為通常會整到啲肉好老呢隻雞食落去出奇地滑而且非常多汁重點黎啦其實鍋底有粥底嘅頭先食嘅嘢嘅精華流晒落去個粥好鮮甜難以形容嘅感覺最後仲有馬拉糕可以叫作為飯後甜品咬落去鬆軟唔會硬為一餐作一個完美嘅總結整體來講味道非常好味全部野都原汁原味新鮮可口