灑家粥麵 (已結業)

灑家嘅潮洲麵食同粥品質素一直都唔差。不過foodamin覺得佢地嘅晚飯小菜亦都相當唔錯。最最最欣賞嘅就係佢地嘅鯇魚腩。無論配搭粥品抑或小菜都非常好食。前者鮮甜。後者惹味開胃。今晚叫左一個薑葱焗美極鯇魚腩煲。魚腩略為炸過。薄薄一層炸粉包著嫩滑鮮甜嘅魚腩肉。再以大量薑葱配合美極鮮醬炒勻。十分香口。配一碗靚仔白飯食。非常滿足。煲仔熱辣辣。6 大塊魚腩肉肥美香郁。進入秋冬時份。食個魚腩煲又暖粒粒又夠飽足。確實係好不錯嘅選擇。讚讚