紅橋 (已結業)

近排經常都會去旺角食飯，因為調咗去旺角返工，一個星期差不多五日都會係附近食晏同食晚餐，今晚同D同事去咗一間味道非常好，而且價錢好合理嘅西餐廳，地點就係西洋菜南街190號 紅橋 Rosa Bridge Restaurant 晚餐有六個選擇都係一百元內，加$18可以玩購兩隻芝心雞翼，凍飲加$3其實真係好抵食。忌廉蘑菇湯，入口又香又滑，蘑菇味好香，加上少少香料調味，令到蘑菇湯味道更加香，入口細滑，加上有少少蘑菇蓉，味道唔錯。芝心雞翼，兩隻 18元芝心雞翼賣相十分之好，味道好香，而雞翼皮燒到啱啱好，完全係金黃色，入口熱辣辣香噴噴，而且仲係好Juice，肉質仲係好嫩滑，最特別嘅就係雞翼裏面係有芝士同埋蘑菇，一啖咬落去有雞翼嘅香味再帶點芝士嘅味道，兩者配合得啱啱好，非常好食日式照燒汁鰻魚伴蛋包飯 98 元呢個主菜真係唔講得笑，賣相非常之好，而且份量好多，一大片鰻魚再加個蛋包飯另外一個湯，收咁嘅價錢真係好抵，味道仲要係好好味，鰻魚非常之鮮甜，加上鰻魚汁令味道更加突出，蛋包飯亦都做得好出色，飯完全沾上蛋汁，每一粒飯完全融入晒佢蛋入邊，真係好味。鰻魚夾埋蛋包飯一齊食味道更加正最後加一杯香滑嘅咖啡，呢個晚