泰坊 (已結業)

Happy Friday約埋老友，近近地去左觀塘#泰坊，食餐好D嘅泰國菜輕鬆下☺️。 海南雞湯金邊粉（+$10轉脾)，海南雞轉了脾位故食落很滑口，金邊粉爽口不會太淋, 湯底清甜☺️，都比我飲晒😂。泰式紅咖喱豬， 紅咖哩係比其他的辣，喜歡食辣的我就叫左佢，豬肉食落有咬口唔肥，配料仲有青豆條同泰國茄子，咖哩香醇辣味唔喉，十分惹味好吃。燒香茅馬友，魚身大條，即叫即燒熱辣辣，魚皮燒得很香， 魚肉唔會太乾身仲帶有肉汁，點埋附上的泰式醬汁，酸酸辣辣的更提味。食物唔錯而且好抵食，故下次會黎食下其他野先得。