炙・宴 (利東街)

營業中

休息中

灣仔好多美食，呢間Lunch time 經常排滿長長人龍，我通常都會晏多少少來，避一避人潮。因為我係灣仔附近工作，呢間餐廳已經食過好多次，而大部分時間我都會叫月見豬腩肉丼（拌生蛋黃）$82，無他，因為真係好好食！我好鍾意生蛋黃撈飯，蛋味好香，而且加上有甜甜地嘅燒肉汁混合一齊食，令到普通嘅白飯味道更豐富。講返主角嘅豬腩肉，好足料，鋪滿晒整碗飯，有好多塊，肉質唔會太乾，而且炭燒味好香。另外仲配有沙律前菜同麵豉湯，呢個價錢我覺得係好抵食。