澳門仔火鍋串燒專門店 (已結業)

朋友食過話ok，於是就去試試啦！最正係個豬扒包，大家都話好味過喺澳門食嘅豬扒包，豬扒夠入味又香口，下次想食豬扒包可以再去。除左豬扒包，椒鹽豆腐都好香口，滑嘟嘟，食左好多舊！😁主角豬骨煲一岀場，即刻諗起力奇！不過依個無高大得咁緊要，而且個煲蓋好正，好有住家菜嘅感覺！煲左陣再打開蓋d材料就熟喇！鍾意食豬骨嘅朋友可以慢慢啜。我地仲叫左個燒茄子，好惹味，但茄子皮燶左d，淨食茄子肉ok。燒牛舌都唔錯，又諗起喺福岡食屋台燒牛舌嘅美好時光！