秘坊

營業中

休息中

第一次幫襯，外賣自取，返到屋企打開，包裝得好好，好乾淨。平時外賣最怕D餐盒未合實，搞到成袋又油又濕立立。今次外賣有咁多湯同飲品一D都無漏，唔會成袋濕立立咁👍🏻食物方面，我食咗滷水雞翼+豬軟骨+滷水豆腐，面底揀咗泰國綠豆粉絲。豬軟骨好好食，滷水雞翼同豆腐都好入味，粉絲唔會因為索晒D湯而一夾即斷，食到尾都仲有咬口。辣菜脯好味，但越食越辣，食到中段要抖抖，但又停唔到口，下次落單要叫佢唔洗比咁多😅整體感覺係一間有heart有質素的車仔麵。