顯徑車仔麵 (已結業)

轉左一班後生老闆後既顯徑車仔麵更乾淨衛生，車仔麵味道亦提升左去另一個層次，所以吸引左好多後生仔女至年輕情侶幫襯，我每次都一定要叫佢地既牛丸，陳皮魚蛋，牛丸有少少爆汁好彈牙，回味無窮。呢間野由我讀中學已經成日食，到依家生埋仔都會番黎幫襯，連9歲既仔仔都鐘意食，希望呢班後生仔繼續努力，研發更多食材湯底味道，淨係專注做好車仔麵同飯類已經好好，我自己就覺得佢哋辣汁好好味，可以研究吓整埋酸辣粉、各款麵類、我見佢哋都有啲飯賣，不過就未試過，好似對我唔係太吸引，不過我覺得佢哋個色彩可以多啲選擇例如啲餃子可以多一粒（而家好似得兩粒），可以增加牛肉、雞肉呢類健康食材