祥興記上海生煎包 (已結業)

我經常經過都見到好多人排隊，留意左呢間野好耐，但因為唔鐘意排隊，所以一路都未試過，聖誕節晚上出左去食飯，經過見到得2個人排對，平時係起碼有十幾個人排隊，所以我就快快走過去排隊，原本想買最普通的生煎包，一客四個（30蚊），點知得返最后一客黑松露生煎包（60蚊），我因爲都排左，又好想試下，都照買，因為排我後面果位想買任何野都賣完，果度可以站在店內食，有齊配料醬汁比你，我唔知道入面甘多汁，一咬d汁飛噴，對食第二個時就醒目好多，咬一口將汁吸左先食，黑松露生煎包d料都唔少，好味！我下次想再試普通果隻，一客四個30蚊（普通），好抵食！值得一試，但日頭超多人排！