唐包點 (已結業)

昨晚放工返屋企無飯食，因媽出街無煮飯，所以我就係西灣河站一出閘就見到嘅唐包點嘅蒸飯，於是就買兩個返屋企食，一個係鳳爪排骨飯$18，另一個係北菇雞飯$18，又唔需要排隊，又唔需要等，而且職員又好有禮貌。我和妹返到屋企就即刻打開膠蓋，並倒入附送嘅蒸飯豉油，大家都覺得好好味，無論雞、排骨、鳳爪及飯，都蒸得啱啱好，啲雞肉及排骨都蒸得好滑唔會覺得好乾，又入味又唔會覺得好鹹，而且價錢比中環站分店平好多，真係好食又抵食！份量適合女士及小朋友，如果男士，我覺得就要食兩個至夠啦。